Biopsia e kolumit dhe kavitetit uterin

Si kryhet biopsia e kolumit?

Biopsia e kolumit (qafës së mitrës) është një procedurë e shkurtër diagnostikuese, gjatë së cilës gjinekologu merr një fragment shumë të vogël indi nga qafa e mitrës për ta dërguar në laborator për ekzaminim histopatologjik. Ajo rekomandohet zakonisht kur Pap testi, testi HPV ose kolposkopia tregojnë ndryshime që kërkojnë vlerësim më të detajuar.

Hapat e procedurës

• Pozicionimi i pacientes

Pacientja shtrihet në karrigen gjinekologjike, njësoj si gjatë një kontrolli rutinë ose Pap testit.

• Vendosja e spekulumit

Mjeku vendos spekulumin për të

ekspozuar qafën e mitrës dhe për të parë qartë zonën që duhet ekzaminuar.

• Kolposkopia (nëse është e nevojshme)

Shpesh biopsia kryhet gjatë kolposkopisë. Mjeku përdor një kolposkop për të identifikuar zonat e dyshimta dhe aplikon solucion acidi acetik ose jod për t’i bërë ato më të dukshme.

• Marrja e mostrës

Me një pincë të posaçme biopsie merret një ose disa fragmente shumë të vogla indi nga zona e dyshuar. Procedura zgjat vetëm disa sekonda.

• Kontrolli i gjakderdhjes

Pas marrjes së mostrës, mjeku aplikon një solucion ose preparat hemostatik për të ndaluar

gjakderdhjen e lehtë.

• Dërgimi i mostrës në laborator

Mostra vendoset në formalinë dhe dërgohet për analizë histopatologjike. Rezultatet zakonisht janë gati brenda disa ditësh, sipas laboratorit.

Sa zgjat procedura?

Biopsia e kolumit zakonisht zgjat 5–10 minuta dhe nuk kërkon shtrim në spital. Shumica e pacienteve mund të kthehen menjëherë në aktivitetet e tyre të zakonshme.

A është e dhimbshme?

Shumica e grave ndjejnë vetëm një pickim ose ngërç të lehtë gjatë marrjes së mostrës. Dhimbja është zakonisht e shkurtër dhe e tolerueshme, ndërsa anestezia lokale

përdoret vetëm në raste të veçanta.

Çfarë është biopsia e kolumit dhe kavitetit uterin

Biopsia gjinekologjike është procedura kirurgjikale gjatë së cilës nepermjet nje instrumenti te vecante kirurgjikal merret një mostër e vogël indi nga zona e identifikuar si jonormale ose e dyshimtë, qoftë nga qafa e mitrës, kolumi cervikal, qoftë nga brendësia e kavitetit uterin, endometri. Kjo moster e marre ne kete menyre kirurgjikale futet ne nje ene me solucion fiksues per te ruajtur strukturat indore. Mostra dërgohet për analizë histologjike në laborator, ku mjeku patohistolog pasi i ben nje perpunim dhe e pret ne flete shume te holla, vlerëson strukturën qelizore të indit nepermjet mikroskopit dhe konfirmon ose përjashton praninë e ndryshimeve patologjike.

Biopsia e kolumit dhe e kavitetit uterin kryhet zakonisht gjatë kolposkopisë, kur identifikohen zona me qeliza jonormale pas aplikimit të solucioneve specifike. Gjithashtu ajo mund te kryhet edhe gjate histeroskopise qe realizohet per te vleresuar kavitetin uterin dhe nese shifen struktura te dyshimta merret material per biopsi nepermjet instrumentave histeroskopike mekane ose elektrike. Vendndodhja e saktë e biopsisë përcaktohet nga gjetjet kolposkopike ose histeroskopike, duke siguruar që mostra të merret nga zona më e rëndësishme klinikisht. Me pas materiali i marre trajtohet sic u pershkrua me siper.

Biopsia e kavitetit uterin merret nëpërmjet histeroskopisë, me vizualizim të drejtpërdrejtë të zonës, ose me kuretazh të drejtuar, kur ekografia apo simptomat klinike sugjerojnë ndryshime të endometrit që kërkojnë konfirmim. Procedura kryhet në kushte ambulatore, zakonisht pa nevojë për anestezi të përgjithshme, dhe tolerohet mirë nga shumica e pacienteve.

Kujt i nevojitet biopsia e kolumit dhe kavitetit uterin

Biopsia e kolumit rekomandohet kur kolposkopia identifikon zona me ndryshime qelizore që kërkojnë konfirmim histologjik, sidomos pas rezultateve jonormale të Pap testit ose testit HPV. Biopsia e kavitetit uterin indikohet kur ekografia tregon trashje jonormale të endometrit, kur shfaqet gjakderdhje pas menopauzës pa një shkak të qartë, ose kur simptoma të tjera klinike sugjerojnë nevojën për analizë të indit uterin.

Në të dyja rastet, biopsia është një hap vendimtar në procesin diagnostikues, sepse jep informacionin e nevojshëm për të kaluar nga dyshimi te diagnoza e konfirmuar dhe planifikimi i trajtimit të duhur.

Si kryhet biopsia e kolumit dhe kavitetit uterin

Si kryhet biopsia e kolumit?

Biopsia e kolumit (qafës së mitrës) është një procedurë e shkurtër diagnostikuese, gjatë së cilës gjinekologu merr një fragment shumë të vogël indi nga qafa e mitrës për ta dërguar në laborator për ekzaminim histopatologjik. Ajo rekomandohet zakonisht kur Pap testi, testi HPV ose kolposkopia tregojnë ndryshime që kërkojnë vlerësim më të detajuar.

Hapat e procedurës

• Pozicionimi i pacientes

Pacientja shtrihet në karrigen gjinekologjike, njësoj si gjatë një kontrolli rutinë ose Pap testit.

• Vendosja e spekulumit

Mjeku vendos spekulumin për të

ekspozuar qafën e mitrës dhe për të parë qartë zonën që duhet ekzaminuar.

• Kolposkopia (nëse është e nevojshme)

Shpesh biopsia kryhet gjatë kolposkopisë. Mjeku përdor një kolposkop për të identifikuar zonat e dyshimta dhe aplikon solucion acidi acetik ose jod për t’i bërë ato më të dukshme.

• Marrja e mostrës

Me një pincë të posaçme biopsie merret një ose disa fragmente shumë të vogla indi nga zona e dyshuar. Procedura zgjat vetëm disa sekonda.

• Kontrolli i gjakderdhjes

Pas marrjes së mostrës, mjeku aplikon një solucion ose preparat hemostatik për të ndaluar

gjakderdhjen e lehtë.

• Dërgimi i mostrës në laborator

Mostra vendoset në formalinë dhe dërgohet për analizë histopatologjike. Rezultatet zakonisht janë gati brenda disa ditësh, sipas laboratorit.

Sa zgjat procedura?

Biopsia e kolumit zakonisht zgjat 5–10 minuta dhe nuk kërkon shtrim në spital. Shumica e pacienteve mund të kthehen menjëherë në aktivitetet e tyre të zakonshme.

A është e dhimbshme?

Shumica e grave ndjejnë vetëm një pickim ose ngërç të lehtë gjatë marrjes së mostrës. Dhimbja është zakonisht e shkurtër dhe e tolerueshme, ndërsa anestezia lokale

përdoret vetëm në raste të veçanta.

Pse duhet të zgjidhni Klinikën Tradita

Marrja e biopsisë kryhet në Klinikën Tradita si pjesë e pandashme e procesit diagnostikues gjinekologjik, e integruar me kolposkopinë dhe histeroskopinë operative të klinikës. Prof. Asc. Dr. Arben Haxhihyseni siguron që çdo biopsi të merret me saktësi teknike, nga zona e duhur dhe me traumë minimale, duke mundësuar cilësi të lartë të mostrës dhe vlerësim të qartë të gjetjeve klinike.

KLINIKA TRADITA ka nje histeroskop profesional cilesor me imazh shume te qarte.

Me mbi 35 vite përvojë të licencuar, Klinika Tradita ofron ndjekje të plotë dhe transparente të procesit diagnostikues për çdo paciente, me orientim të qartë mbi hapat e mëtejshëm pas marrjes së rezultatit histologjik.