Çfarë është histeroskopia diagnostike

Histeroskopia është një procedurë gjinekologjike gjatë së cilës mjeku përdor një instrument optik të hollë — histeroskopin — duke e kaluar përmes qafës së mitrës, për të vlerësuar kavitetin uterin në mënyrë jo-invazive.

Ky ekzaminim lejon vizualizimin e kavietit uterin në kohë reale, identifikimin e ndryshimeve patologjike dhe kur është e mundur trajtimin e tyre në të njëjtën procedurë.

Histeroskopi diagnostik me zhvillimin e madh teknollogjike ka dhe nje kanal operativ te holle nepermjet te cilit lejohet kalimi i instrumentave histeroskopike qe mundesojne realizimin e nje kirurgjie te vogel histeroskopike, te masave patollogjike me dimensione te vogla ose marrje biopsie.

Histeroskopia lejon marrjen topike te biopsise, domethene nese siperfaqja e kavitetit uterin qe dyshohet se ka patollogji eshte nje zone e vogel, biopsia mund te merret pikerisht aty, duke e pare live dhe duke e marrre me saktesi. Kjo tejkalon qartesisht dhe profesionalisht biopsine qe merret nepermjet pastrimit ne gjuhen popullore.

Histeroskopia diagnostike kryhet zakonisht pa anestezi të përgjithshme ose me sedacion të lehtë, zgjat disa minuta dhe nuk kërkon kohë rikuperimi. Pacientja mund t’i rikthehet aktiviteteve të përditshme pothuajse menjëherë pas procedurës.

Kur gjatë histeroskopinë diagnostike identifikohet një lezion që kërkon trajtim — si një polip ose fibromë submukoze — kalimi në histeroskopi operative mund të planifikohet si hap i radhës.

Kujt i nevojitet histeroskopia diagnostike

Histeroskopia diagnostike rekomandohet për femrat me gjakderdhje uterine jonormale — të tepruara, të zgjatura ose ndërmjet cikleve — si dhe për ato me gjakderdhje pas menopauzës pa shkak të qartë. Ajo rekomandohet gjithashtu kur ekografia tregon ndryshime në kavitetin uterin si polipe, fibroma submukoze ose trashje të endometrit që kërkojnë vlerësim të drejtpërdrejtë.

Histeroskopia diagnostike është gjithashtu pjesë e studimit të infertilitetit dhe dështimeve të përsëritura të shtatzënisë, kur dyshohet se anomali intrauterine mund të ndikojnë në ngjizje. Ajo është mënyra më e saktë për të vlerësuar mitrën — shumë herë duke ofruar informacion që ekografia nuk arrin ta japë me të njëjtën saktësi.

Pse duhet të zgjidhni Klinika Tradita ne Durres

Histeroskopia diagnostike është një nga shërbimet kryesore të specializuara të Klinikës Tradita. Prof. Asc. Dr. Arben Haxhihyseni ka kontribuar drejtpërdrejt në zhvillimin dhe përhapjen e teknikave histeroskopike në Shqipëri, duke organizuar trajnime profesionale dhe kurse kualifikuese për gjinekologë.

Me pajisje moderne dhe eksperiencë shumëvjeçare, Klinika Tradita garanton procedurë të kryer me saktësi, komoditet maksimal për pacienten dhe interpretim të menjëhershëm të gjetjeve — me orientim të qartë mbi hapat e ardhshëm diagnostikues ose terapeutikë.